Speletjies:

Die son het gesak oor Hartbeesfontein. Kadot se episodes was alles gelukkig klaar geskiet. Energievlakke was laag en die bondel kinders was uitgehonger vir aandag. Kadot se aanbieder, Paul of meer bekend as Ivan Botha, het homself as die held vir die dag waarlik met hierdie blink gedagte bewys.

Tannie Babs, ons gasvrou se foelie - wat die kos ‘n uur terug beskerm het - is gevou, geskeur, gedraai en geknyp tot in die perfekte 20cm lange miniatuur hokkiestokkies. ‘n Pinkie nael grootte balletjie is vernuftig gerol en siedaar, ‘n hokkiespeletjie het op die plaashuis se vloere ontaard. Eenvoudige sokker reëls geld, m.a.w twee foelie nette moet aan weerskante van die speel-area aangebring word vir potensiële doele.

Moenie te veel bekommerd wees oor die reëls nie, die hoof uitdaging is om die balletjie te probeer manipuleer. Wonderlik vir klein motoriese ontwikkeling.

Mammas, akteurs en kameraspan kon rus, eet en ontlaai voor storietyd.